काठमाडौं उपत्यकामा नआउन सरकारको आग्रह

सरकारले कोरोनाभाइरस (कोभिड–१९)को संक्रमणको जोखिम उच्च रहेको भन्दै काठमाडौं उपत्यकामा नआउन नागरिकलाई आग्रह गरेको छ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले नागरिकलाई उपत्यका नआउन आग्रह गरेका हुन् । पछिल्लो केही दिनयता उपत्यकामा कोरोना संक्रमण उच्च दरमा बढ्दै गइरहेको छ ।

शनिबार देशभर २१२० जनामा कोरोना संक्रमण पुष्टि भएकोमा उपत्यकामा ११७७ छन् । जसमध्ये काठमाडौंका १००१ जना, भक्तपुरका ६७ र ललितपुरका १०९ जनामा संक्रमण पुष्टि भएको हो ।

यसैगरी शुक्रबार नेपालमा अहिलेसम्मकै उच्च कोरोना संक्रमित थपिएका थिए । शुक्रबार २७२२ जना संक्रमण पुष्टि भएकोमा उपत्यकामा १६३८ छन् । जसमध्ये काठमाडौं जिल्लामा १२८०, भक्तपुरमा १९६ र ललितपुरमा १६२ जनामा कोरोना संक्रमण देखिएको थियो ।

सम्बन्धित समाचार